Əsas səhifə / Əsas menu / Sağlamlıq / Ətəyin ölçüsü döş xərçəngi riskini 77% artırır
Bizi mobildən daha sürətli  izləyin

Ətəyin ölçüsü döş xərçəngi riskini 77% artırır

ett

Ətəyin ölçüsü döş xərçəngi riskini 77% artırır

Tədqiqatçılara əsasən, araşdırma çəkiyə daha asan nəzarət yolunu təklif edir.

Britaniya alimlərinə əsasən, qadın ətəklərinin ölçüsünün dəyişməsi xərçəng xəstəliyinə tutulmaq riski barədə xəbər verə bilər.

Məlumata görə, 25 yaşından sonra hər 10 illik dövrədə ətəklərinin ölçüsü bir bölüm artan qadınlarda döş xərçəngi riski çəkisini dəyişməyən eyni yaşlı qadınlarla müqayisədə 33 faiz yuxarıdır.

“Ətək ölçüsünün iki bölüm artması ilə xərçəng riski 77 faizə çatır”, – University College London Universitetində aparılan yeni tədqiqatda göstərilir.
Başqa sözlə, 20 yaşında aldığınız ətəklər təhlükənin indikatoru ola bilər.

Yeni araşdırma müəllifləri 50-60 yaşlarında olan 90 min qadından ibarət qrupa dair məlumatları təhlil ediblər. Tədqiqatın aparıldığı üç il ərzində həmin qrupdakı 1090 qadında döş xərçəngi aşkar olunub.

Alimlər çəkinin artması ilə də xərçəng xəstəliyi arasında əlaqənin olduğunu artıq təsbit ediblər.

“Bizə məlumdir ki, 40 faiz hallarda döş xərçənginin qarşısı həyat tərzinin dəyişdirilməsi, artıq çəkilə mübarizə və daha artıq fiziki aktivliklə alına bilərdi”, – tədqiqatçı Simon Vincent deyib.

Onun sözlərinə görə, araşdırma çəkiyə daha asan nəzarət yolunu təklif edir.