Əsas səhifə / Əsas menu / Ana və uşaq / Bezlər uşaqların cinsi inkişafına təsir edir?
Bizi mobildən daha sürətli  izləyin

Bezlər uşaqların cinsi inkişafına təsir edir?

opBezlər uşaqların cinsi inkişafına təsir edir?

Əvvəllər “uşaq bezləri” deyə bir anlayış olmadığından onun yerinə parça istifadə edirdilər.

Amma indi başqa vəziyyət yaranıb. İndiki analar can rahatlığına görə, uşaq bezlərindən istifadə edir, nənələr isə buna qarşı çıxır.

Onlar uşaq bezlərindən istifadə etməyimizi istəmirlər.

Düzdü, qadınlarımız üçün uşağı bezlə bağlamaq can rahatlığıdır, amma bəzi hallarda əks təsirləri də ola bilir.

Məsələn bir izləyicimiz bizə yazıb ki, bilmirəm, bez köhnəymiş ya, nəsə başqa bir şey: “Bir onu bilirəm ki, uşağın ayağının arası səpib. Bu onun köhnə olmağınımı yoxsa bezlərdən düzgün istifadə etməməyimizinmi işarəsidir?”

Araşdıraq:

İlk bezlər heç də indikilər kimi keyfiyyətli olmadı, onların uğursuz tərkibi (içinə taxta kəpəyi doldurulurdu) yalnız paltarı təmiz saxlayırdı. Uşağın dərisini nəmişlikdən nəinki qorumur, əksinə, həddən artıq nəmişliyə səbəb olurdu. İllər keçdikcə bez istehsalçıları məqsədə nail oldular. İndi bezlər daha nazik və daha “havalı” materiallardan hazırlanır, xüsusi maddələr ifrazatı çəkir, uşağın dərisinə dəyən hissə quru qalır.

Beləliklə, bezlər körpənin dərisini nəmişlikdən, nəmişlik nəticəsində yaranan müxtəlif xəstəliklərdən qoruyur. Bezlərin çəkisi günü-gündən azalır (bir bezin çəkisi orta hesabla 50 q-dır). Uşaqlara, eləcə də analara bəxş etdiyi rahatlıq isə müqayisəolunmazdır.

Amma bütün bu deyilənlər və yazılanlar bez barədə narahatlığa nöqtə qoymayıb. Bu sual çox anaları maraqlandırır:

Əlbəttə, əgər siz uşağı bezdə saatlarla saxlayırsınızsa, ona ziyan edirsiniz. Axı bezlər yalnız mayeni içinə çəkir, nəcisin qatı hissəsi uşağın dərisi ilə bezin arasında qalıb, onu narahat edə bilər. Həm də bezlər bir neçə saat üçün nəzərdə tutulub.

Uşaq bir neçə dəfə işəyəndən sonra bez şişib, onu sıxmağa başlayar. Odur ki, istənilən bezi 3, uzağı 5 saatdan bir dəyişmək lazımdır. (Amma bez nəmdirsə, dəyişdirilməlidir, quru bezi dəyişməyə ehtiyac yoxdur).

Bundan başqa, uşağı, xüsusilə də oğlan uşağını bütün gün bezdə saxlamaq olmaz. Paltarını dəyişərkən, körpəni azacıq çılpaq qoymaq lazımdır.

Aparılan araşdırmalar göstərib ki, bezlərin mikroiqlimi uşağın dərisi üçün faydalıdır və ilk bezlər kimi parnik effekti yaratmır. Ancaq elə bezlər var ki, uşaqda allergiyaya səbəb olur. Bu, bezlərin hazırlanması zamanı istifadə olunan maddələrdən və uşağın dərisinin bu maddələrə reaksiyasından asılıdır.

Körpənin dərisində səpki, qızartı görsəniz, dərhal həkimə müraciət edin. Səbəb istifadə etdiyiniz bezdirsə, başqa şirkətin məhsulunu alın. (Bəzi uşaqların dərisi ümumiyyətlə heç bir bezi götürmür.)

Bəzi mütəxəssislər bezlərin oğlan uşağı üçün tam təhlükəsiz olduğuna əmindirlər. Bu fikri onunla əsaslandırırlar ki, 2 yaşına qədər uşaqların cinsiyyət orqanında elə bir inkişaf getmir və bu dövrdə bezlər cinsiyyət orqanına təsir edə bilməz.

Hər şeyə rəğmən uşaq bezlərdən nə qədər tez çıxsa, bir o qədər yaxşıdır. Körpənin 6 aylığından onu tualetə aparmağa, daha çox bezsiz saxlamağa çalışın. Bezlərdən qurtara bilmirsinizsə, cəhdləriniz nəticə vermirsə, məyus olmayın, bu proses bir neçə ay çəkə bilər.

Qarşısınıza məqsəd qoysanız, istədiyinizə çata biləcəksiniz.

Buna da baxın

Kişilər hansı qadınları sevmir?

Whatsapp ilə Paylaş Kişilərin hansı qadınları sevmədiyini bilmirsiniz? Qadinklubu.com kişilərin hansı qadınları sevmədiyini təqdim edir. …