Əsas səhifə / Əsas menu / Yemək reseptləri / Südlü şokoladlı blinçiklər
Bizi mobildən daha sürətli  izləyin

Südlü şokoladlı blinçiklər

Südlü şokoladlı blinçiklər

Tərkibi:

-Şəkər tozu — 2 x.q.
-Süd — 3 st.
-Un — 300 qr.
-Kakao — 2 x.q.
-Yumurta — 3 əd.
-Bitki yağı — 2-3 x.q.
-Duz — 1 çimdik

Hazırlanması:

Yumurtanı duz və şəkər tozu ilə çalın. Xəmiri blenderdə hazırlasanız, daha yaxşı alınar: daha tez və keyfiyyətli olar. Xəmir hamar və düyünsüz olmalıdır. Sonra hazır olan kütləyə bir stəkan süd əlavə edin və yenidən çalın. Sonra yavaş-yavaş unu əlavə edin ki, düyünlər yaranmasın. Çalmağa davam edərək xəmirə yavaş-yavaş südün geri qalanını tökün. Sonda kifayət qədər sulu xəmir alınmalıdır.
İndi blinciklərin hazırlanmasına keçmək olar. Xəmir müxtəlif rənglərdə olmalıdır. Buna görə də xəmirin üçdə bir hissəsini ayrı qaba tökün – bu blinçiklərin naxışlı alınması üçündür. Qalan hissəyə kakao əlavə edin və xəmir eynicinsli, düyünsüz alınana qədər çox yaxşı qarışdırın. Tavanı yaxşı qızdırın. Biraz yağ tökün və yağı tavaya bərabər miqdarda yayaraq qızdırın. Biraz xəmir tökün, demək olar ki, ½ çömçə və bütün tava boyu yayın. Biraz bişirin. Çay qaşığı ilə biraz xəmir tökün və blinçiklərin üzərində istədiyiniz kimi naxışlar çəkin. Sonra blinçiki çevirin və digər tərəfini də qızardın.
Oddan götürün, naxışlar olan tərəfini yuxarı çevirin və isti halda servis edin. Ancaq soyuq halda da bu blinçiklər olduqca ləzzətli olur.

Qeyd: Südlü şokoladlı blinçiklərin qızardılması zamanı yağı ancaq bir dəfə – birinci blinçikin qızardılması zamanı tökmək lazımdır. Sonra yağ əlavə etməyə ehtiyac yoxdur, blinçiklər yapışmayacaq.

Nuş olsun!

Buna da baxın

Bu il naxışlı geyimlərin ilidir

Whatsapp ilə PaylaşBu il naxışlı geyimlərin ilidir Bu il naxışlı geyimlərin, sevilərək istifadə edildiyinin yəqin …